У Мінску могуць забараніць паркавацца зімой на некаторых вуліцах
Мінскія ўлады разглядаюць магчымасць забараніць аўтамабілістам паркавацца зімой на некаторых вуліцах Мінска. Гэтая мера павінна палегчыць працу дарожнікам, пішуць «Мінск-Навіны».
Гаворка ідзе пра магчымую забарону паркоўкі ў крайніх правых палосах праезнай часткі тых вуліц, дзе ёсць складанасці ва ўборцы снегу, па пэўных днях.
На практыцы падобнае абмежаванне можа выглядаць так: на некаторых вуліцах паставяць дарожныя знакі, якія забараняюць паркоўку на цотным баку па цотных днях, на няцотным — па няцотных.