Каторая гадзіна на Месяцы? Спадарожніку Зямлі могуць даць уласную часавую зону
Еўрапейскае касмічнае агенцтва прапануе ўсталяваць для Месяца ўласны часавы пояс.
Такая неабходнасць паўстала з-за павелічэння колькасці місій на Месяц. Цяпер касмічныя агенцтвы апісваюць свае экспедыцыі згодна з часавымі паясамі сваіх краін.
Аднак усталяваць «месячны часавы пояс» будзе няпроста. Рэч у тым, што час на Месяцы ідзе трошкі хутчэй у параўнанні з часам на Зямлі. Таму навукоўцы працягваюць дыскутаваць, ці захоўваць часавы пояс спадарожніка незалежным ад Зямлі.