Выйшаў указ аб прызыве афіцэраў запасу на вайсковую службу
10 сакавіка Лукашэнка падпісаў указ № 66 «Аб прызыве афіцэраў запасу на вайсковую службу», паведаміла яго прэс-служба.
Дакументам прадугледжваецца прызваць у 2023 годзе ва Узброеныя сілы да 230 грамадзян мужчынскага полу ва ўзросце да 27 гадоў, а ў органы памежнай службы — да 20 чалавек, якія прайшлі навучанне па адпаведных праграмах падрыхтоўкі афіцэраў запасу на вайсковых кафедрах або факультэтах, маюць вайсковае званне афіцэра і залічаныя ў запас.
Падкрэсліваецца, што мерапрыемствы, прадугледжаныя ўказам, праводзяцца Узброенымі сіламі Беларусі на планавай аснове штогод.