У Маскве адмянілі канцэрт, прысвечаны чарговай гадавіне анексіі Крыма Расіяй
Арганізатары масоўкі адмянілі збор удзельнікаў мітынгу-канцэрта ў «Лужніках», які меў адбыцца 18 сакавіка, звяртаюць увагу расійскія тэлеграм-каналы.
Праводзіць яго не рэкамендавала з-за верагоднасці тэрактаў нейкая «ФСН». Выданне «Сірэна» мяркуе, што гаворка ідзе пра ФСА — Федэральную службу аховы.
У сераду «Ведамасці» са спасылкай на крыніцу, блізкую да адміністрацыі прэзідэнта Расіі, паведамілі, што замест вялікага канцэрта вырашана было праводзіць невялікія акцыі: флэшмобы, лекцыі і аўтапрабегі.