Урад Чэхіі яшчэ на год працягнуў візавую забарону для беларусаў
Урад Чэхіі на сённяшнім пасяджэнні ўхваліў пастанову аб працягненні забароны на выдачу віз і дазволаў на жыхарства грамадзянам Беларусі і Расіі яшчэ на год. Яна будзе дзейнічаць да 31 сакавіка 2024 года.
Чэшская забарона была ўведзена вясной мінулага года. Яна, праўда, не распаўсюджваецца на візы і дазволы на жыхарства, якія выдаюцца для ўз'яднання сям'і. Таксама маюць шанцы атрымаць дакументы тыя, хто збіраецца ў Чэхію з мэтай навуковых даследаванняў, высокакваліфікаваныя работнікі; захоўваюцца і некаторыя дазволы на жыхарства, звязаныя з вучобай. Выдае Чэхія і гуманітарныя візы.
У той жа час забарона пашыраная на расіян і беларусаў, якія валодаюць пашпартамі іншых краін.
Чытайце таксама:
Атрымаць польскую візу стала адначасова складаней і прасцей. Што змянілася?