Палітзняволены журналіст Павел Падабед паводле рашэння суда застаецца пад вартай
Суддзя Аляксандр Супічэнка 5 красавіка адхіліў скаргу адваката журналіста на заключэнне пад варту, не знайшоўшы падстаў, каб стаць на бок Падабеда. Пасяджэнне праходзіла ў закрытым рэжыме, паведамляе Беларуская асацыяцыя журналістаў.
Паводле інфармацыі БАЖ, 43-гадовага фатографа і аператара Паўла Падабеда затрымалі 20 студзеня ў Мінску — за дзень да планаванага выезду за мяжу.
Мужчыну арыштавалі на 15 сутак паводле арт. 19.11 КаАП за «распаўсюд экстрэмісцкіх матэрыялаў», аднак пасля арышту не вызвалілі і перавялі ў мінскі следчы ізалятар № 1.