Яшчэ адна краіна задумалася пра адмову ад нейтралітэту з-за вайны ва Украіне
З-за поўнамаштабнага ўварвання Расіі ва Украіну Ірландыя можа перагледзець свой нейтральны статус, якога прытрымлівалася на працягу дзесяцігоддзяў, паведамляе мясцовая тэлерадыёвяшчальная карпарацыя RTE.
Фота: Wikimedia Commons
У чэрвені 2023 года ў некалькіх гарадах Ірландыі пройдзе чатырохдзённы кансультатыўны форум, прысвечаны міжнароднай палітыцы і бяспецы, на якім грамадзяне, у прыватнасці, змогуць выказаць сваё меркаванне адносна нейтралітэту краіны.
Міністр замежных спраў Ірландыі Міхол Марцін, анансуючы форум, заявіў, што краіне неабходна рэагаваць на новую рэальнасць.
У форуме прымуць удзел эксперты ў галіне міжнароднай палітыкі і абароны, навукоўцы і прадстаўнікі грамадзянскай супольнасці. Па выніку форуму незалежны старшыня складзе справаздачу, якая ляжа ў аснову рэкамендацый ураду.
Чытайце таксама:
Фінляндыя ў НАТА: вось чаму гэта змяняе баланс сілаў і вакол Беларусі