Сёння — Вялікая субота ў каталікоў, пратэстантаў і ўніятаў
Вялікай суботай завяршаецца Страсны (Вялікі) тыдзень, Вернікі ўспамінаюць пакуты і смерць Ісуса Хрыста і рыхтуюцца да свята яго ўваскрашэння.
Фота: catholic.by
Вялікдзень каталікі, пратэстанты і ўніяты адсвяткуюць заўтра, 9 красавіка.
Сёння ў храмах праходзіць асвячэнне велікодных страваў. Паводле традыцыі, у святочным кошыку абавязкова павінны быць хлеб, вяндліна, яйка і соль. Хлеб нагадвае пра «хлеб жывы, які сышоў з нябёсаў», вяндліна ці велікодны баранак — пра ўспамін аб пасхальным баранку, яйка — сімвал новага жыцця, якое нясе ўваскрослы Хрыстос, соль ахоўвае людзей ад сапсаванасці.
Велікодная вігілія, якая адбываецца ў ноч Уваскрасення, лічыцца найважнейшай вігіліяй на працягу ўсяго касцельнага года.
Таксама сёння асвячаюць ваду.
Чытайце яшчэ:
Як фарбаваць велікодныя яйкі: вялікі гайд
Да велікоднага стала. Робім пасху: 4 рэцэпты, якія абавязкова атрымаюцца
Чаму католікі і праваслаўныя святкуюць Вялікдзень у розны час. І розніца можа складаць нават месяц?