У Бярозе далі 7 сутак за чахол ад тэлефона
Сталі вядомыя вынікі ўчорашняга суда ў Бярозе. Юрыю Лісюку далі 7 сутак арышту па ч. 1 арт. 24.23 КоАП за нібыта адзіночны пікет. Рашэнне выносіў суддзя Дзмітрый Кавалевіч, паведамляе Брэсцкая вясна.
Падставай для гэтай справы стала тое, што калі Лісюк быў на працы, у кабінет да яго зайшоў міліцыянт. Ён пабачыў чахол, без тлумачэнняў зацягнуў Юрыя ў машыну ды павёз у РАУС.
Толькі па дарозе ў аддзяленне міліцыі Лісюку растлумачылі, што нагодай для затрыманне стала нібыта пікетаванне [чахлом тэлефона].