Мінінфарм вынес папярэджанне А1 за прапанову глядзець апальны спартыўны канал
Мінінфарм вынес пісьмовае папярэджанне мабільнаму аператару «А1» за распаўсюд ім прадукцыі спартыўнага канала Setanta Sports на сэрвісе voka.tv.
«Пры маніторынгу інфармацыі, размешчанай на інтэрнэт-рэсурсе voka.tv, устаноўлена наяўнасць прапановы да прагляду тэлеканалаў Setanta Sports.
Дазвол Мінінфарма на распаўсюд гэтай прадукцыі замежнага СМІ на тэрыторыі нашай краіны цяпер адсутнічае», — адзначыла прэс-служба Міністэрства інфармацыі.
Пра тое, што Міністэрства інфармацыі анулявала дазвол на распаўсюд тэлеканалаў Setanta Sport 1 і Setanta Sport 2 на тэрыторыі Беларусі на падставе рашэння міжведамаснай камісіі па бяспецы ў інфармацыйнай сферы пры Радзе бяспекі, стала вядома 7 красавіка. Ануляванне ліцэнзіі можа быць звязана з пазіцыяй тэлекампаніі адносна вайны ва Украіне.
Чытайце таксама:
Намеснік міністра спорту: Нас са сцягамі не дапускаюць, а замяняюць трансгендарамі
Міжнародная федэрацыя коннага спорту працягнула адхіленне ад спаборніцтваў беларускіх людзей і коней