Уначы былі беспрэцэдэнтныя атакі ўкраінскай сталіцы — улады Кіева
Уначы была серыя беспрэцэдэнтных па сваёй моцы, інтэнсіўнасці і разнастайнасці паветраных нападаў на Кіеў, паведаміў кіраўнік Кіеўскай гарадской ваеннай адміністрацыі Сяргей Папко. Гэта ўжо дзявяты з пачатку мая абстрэл украінскай сталіцы, піша Бі-бі-сі.
Гэтым разам атака, па звестках Папко, была ажыццёўленая са стратэгічных бамбардзіроўшчыкаў Ту-95МС, Ту-160 з раёна Каспія, як мяркуецца — крылатымі ракетамі тыпу Х-101/555.
Пасля запуску ракет над Кіевам з'явіліся расійскія разведвальныя беспілотнікі.
Як сцвярджае Папко, паводле папярэдняй інфармацыі, усе варожыя цэлі ў паветранай прасторы Кіева былі выяўленыя і знішчаныя.
Папярэдне зафіксаванае падзенне абломкаў у Дзяснянскім і Дарніцкім раёнах сталіцы. Самыя вялікія пашкоджанні зафіксаваныя ў Дарніцкім раёне — там было ўзгаранне на тэрыторыі гаражнага кааператыва. Пажар ліквідаваны.
У астатніх раёнах могуць быць падзення абломкаў на прыпаркаваныя аўтамабілі, прыдамавыя тэрыторыі або лесапаркавую зону. Інфармацыя аб пацярпелых пакуль не паступала, піша Сяргей Папко.
У выніку ўдару па Адэсе загінуў адзін чалавек.