На БелАЭС сёння правялі выпрабаванні. Усё прайшло паспяхова
Запланаваныя на другім энергаблоку БелАЭС выпрабаванні прайшлі паспяхова — працы ў рамках этапнай праграмы працягваюцца, паведаміла Мінэнерга ў сваім тэлеграм-канале.
Фота: Мінэнерга
Паведамляецца, што ў рамках праграмы энергетычнага пуску блока былі выкананыя дынамічныя выпрабаванні з тэставаннем ахоўных прылад парагенератара — адпаведныя работы суправаджаліся выкідам у атмасферу пары і шумам. Пара была чыстая і бяспечная.
Пасля завяршэння выпрабаванняў на другім энергаблоку працягнецца асваенне магутнасці рэактара, як зазначае Мінэнерга.