У Брэсце трохгадовы хлопчык выпаў з акна 9-га паверха і выжыў
Пра інцыдэнт, які адбыўся ў Брэсце 25 чэрвеня, у эфіры «Радыё-Мінск» расказаў афіцыйны прадстаўнік Следчага камітэта Аляксандр Сухадольскі, паведамляюць «Мінск-Навіны».
Фота ілюстрацыйнае
Увечары мама ўкладвала сына спаць, аднак дзіця класціся не хацела, гарэзіла і сказала, што будзе спаць у пакоі з 13-гадовай сястрой. Пасля гэтага хлопчык самастойна перайшоў у дзіцячы пакой, а калі праз некаторы час жанчына зазірнула туды, то дзіцяці ў пакоі не аказалася, а акно было адчыненае. Зірнуўшы на вуліцу, яна ўбачыла сына на зямлі.
Паводле папярэдняй інфармацыі, хлопчык залез на падваконне, у аконным праёме абапёрся на маскітную сетку і выпаў з акна 9-га паверха.
Пасля падзення дзіця знаходзілася ў прытомнасці. Медыкі, якія прыехалі ратаваць дзіця, аказалі пацярпеламу першую медыцынскую дапамогу і адвезлі ў бальніцу. Цяпер ягонаму жыццю нічога не пагражае.
Сям'я хлопчыка характарызуецца станоўча. Мама хлопчыка працуе лабаранткай у бальніцы, сястра вучыцца ў школе, бацька ў дзень здарэння знаходзіўся на падпрацоўцы ў Пінску.
Чытайце таксама:
82-гадовая жанчына патрапіла пад цягнік у Стаўбцоўскім раёне
Пад Дзяржынскам машына насмерць збіла дзвюх жанчын у падземным пераходзе
У Германіі падманулі спагадлівага немца, расплаціўшыся з ім старымі беларускімі рублямі