У Шклоўскім раёне мікрааўтобус сутыкнуўся з лафетам. Пацярпелі чатыры чалавекі
Сур'ёзная аварыя здарылася каля 20:00 у чацвер на аўтадарозе М-8 паблізу вёскі Еўдакімавічы, як паведамляе абласная міліцыя.
Скрыншот відэа
38-гадовы кіроўца «Пежо», рухаючыся з лафетам, на якім перавозіў BMW, страціў кіраванне.
Машына выехала на паласу сустрэчнага руху, дзе сутыкнулася з мікрааўтобусам «Фальксваген», які ад удару з'ехаў у кювет.
У бальніцу даставілі абодвух кіроўцаў, пасажырку «Фальксвагена» і пасажыра «Пежо».
Скрыншот відэа