«Сутнасць разумеем, форму не прымаем». Зборная Францыі звярнулася да пратэстоўцаў
Футбалісты заклікалі жыхароў спыніць беспарадкі і гвалт на вуліцах краіны. Пра гэта гаворыцца ў адкрытым лісце, які ў сваім твітары апублікаваў Кіліян Мбапэ.
Фота: Antonio Borga/Eurasia Sport Images/Getty Images
«Як і ўсе французы, мы былі ўзрушаныя жорсткай смерцю юнага Наэля. Пасля гэтай трагічнай падзеі мы сталі сведкамі праявы народнага гневу, сутнасць якой разумеем, але форму не можам ухваліць. <…> Гвалт нічога не вырашае, тым больш што ён непазбежна і нястомна абарочваецца супраць тых, хто яго выказвае, іх сем'яў, блізкіх і суседзяў. Гэта ваша ўласнасць, якую вы разбураеце, вашы кварталы, вашы гарады», — сказана ў лісце.
Удзельнікі беспарадкаў падпальваюць будынкі і аўтамабілі, урываюцца ў крамы па ўсёй краіне, у тым ліку ў Марселі, Ліёне, Тулузе, Страсбургу, Лілі і Парыжы, у адным з прыгарадаў якога — Нантэры — і загінуў 17-гадовы падлетак.
Непаўналетні Наэль, алжырац па паходжанні, у аўторак раніцай быў спынены паліцэйскім патрулём за рулём аўтамабіля Mercedes за парушэнне правілаў і застрэлены. Паліцыянты спачатку заявілі, што падлетак спрабаваў збіць іх, але на апублікаваным пазней відэа здарэнне выглядае інакш.
З тых часоў кожную ноч французскія гарады ахопліваюць беспарадкі. Арыштаваныя сотні чалавек.
Чытайце таксама: