У Мёрскім раёне мужчына збіраў парэчкі і праваліўся ў 8-метровы калодзеж
Увечары 30 чэрвеня ў вёсцы Стары Пагост Мёрскага раёна мужчына збіраў парэчкі з куста ў двары прыватнага дома і не заўважыў, што непадалёк знаходзіцца закінуты калодзеж.
Пасля няўдалых спробаў выбрацца самастойна чалавек стаў клікаць на дапамогу. Аднавясковец, які праходзіў міма, выклікаў ратавальнікаў.
«Мужчына знаходзіўся ў бетонным калодзежы круглай формы дыяметрам 1 метр на глыбіні каля 8 метраў. Вады ў калодзежы было прыкладна на адзін метр», — паведаміла прэс-служба МНС.
Чалавека даставілі ў бальніцу з дыягназам «пераахаладжэнне».
Чытайце таксама:
У Лепельскім раёне «Опель» вылецеў у кювет. Пацярпелі пяць чалавек
На пліце разарваўся афганскі казан. Два чалавекі атрымалі апёкі
Адляцеў на 40 метраў і выжыў: у Гомелі матацыкліст урэзаўся ў таксі