У Беларусі ліквідуюць Рэспубліканскую партыю
Вярхоўны суд Беларусі разгледзіць справу аб ліквідацыі Рэспубліканскай партыі. Разгляд справы прызначаны на 8 жніўня.
Пазоў падало Міністэрства юстыцыі.
Арганізацыйны з'езд партыі прайшоў 12 сакавіка 1994 года, рэгістрацыя адбылася 25 мая таго ж года, у 1999 годзе партыя прайшла перарэгістрацыю. Першым кіраўніком быў Уладзімір Белазор.
Партыя пазіцыянавала сябе як цэнтрысцкая. Аднак яна практычна не ўдзельнічала ў выбарах. Так, на выбарах у мясцовыя Саветы дэпутатаў 2010 года ёй быў вылучаны толькі адзін кандыдат у дэпутаты па ўсёй Беларусі (усяго — 25 474 кандыдаты).