13-я калона вагнераўцаў заехала ў Беларусь
У калоне каля 80 машын. Таксама быў заўважаны шэры аўтобус з чырвона-зялёным спалучэннем колераў лукашэнкаўцаў і гербам.
Па трасе М5 ад Бабруйска ў напрамку Асіповічаў рухаецца 13-я калона наймітаў ПВК «Вагнер», якая налічвае як мінімум 80 адзінак аўтамабільнай тэхнікі, паведамляе «Беларускі Гаюн».
У калоне прысутнічаюць бронеаўтамабілі «Шчупак» («Чакан»), бензавозы, ПАЗ, аўтобусы, КамАЗы тэнтаваныя і бартавыя, фуры і Уралы, пікапы і легкавыя аўто, некалькі тралаў, грузавік з маніпулятарам і «буханкі».
Характэрна, што некаторыя бронеаўтамабілі рухаюцца са змененай задняй часткай — у выглядзе КУНГа, на які нанесены крыж, як санітарная машына. Таксама ў калоне быў заўважаны шэры аўтобус з чырвона-зялёным спалучэннем колераў лукашэнкаўцаў і гербам.
Машыны рухаюцца на нумарах ЛНР або РФ, у суправаджэнні ДАІ. Калона праязджае Асіповічы і далей, як і ўсе папярэднія, пойдзе ў напрамку лагера ПВК «Вагнер» у в. Цэль.
Чытайце таксама:
Літва пры неабходнасці гатовая закрыць мяжу з Беларуссю і Расіяй у любы момант — МУС