У Віцебскім раёне дзяўчынка скакала цераз вогнішча, нарабілася бяды
Здарэнне адбылося ў панядзелак у аграгарадку Тарасенкі.
Ілюстрацыйнае фота
Дзяўчынка з двума братамі гасцявала ў бабулі. Дзеці гулялі пры вогнішчы ля дома, паведамляе мясцовае выданне «Віцьбічы».
Дзяўчынка спрабавала пераскочыць цераз вогнішча і, спатыкнуўшыся, звалілася ў яго.
Бабуля адразу патэлефанавала маці дзяцей і жанчына, прыехаўшы з працы, сама адвезла дачку ў бальніцу.
Школьніца шпіталізавана з апёкамі рознай ступені цяжкасці каля 23% цела.