Новыя станцыі мінскага метро адкрыюць да канца 2024 года
У выніку трэцяя лінія будзе налічваць сем станцый: ад «Юбілейнай плошчы» да «Слуцкага гасцінца».
Станцыя «Кавальская слабада». Фота: «Наша Ніва»
Новыя станцыі трэцяй лініі мінскага метро плануюць адкрыць да канца 2024 года. Пра гэта паведаміў намеснік старшыні Мінгарвыканкама Аляксандр Чэрнікаў, піша Reform.by.
«Ступень гатоўнасці трох станцый і электрадэпо «Слуцкае» высокая. Практычна выкананы маналітныя працы. Прыступілі да аздаблення і мантажу абсталявання, працягваюцца работы па абуладкаванні верхняй часткі. Да ўводу станцыі рыхтуюцца да канца наступнага года», — сказаў ён.
У выніку трэцяя лінія будзе налічваць сем станцый: ад «Юбілейнай плошчы» да «Слуцкага гасцінца».
Тым часам ужо пачынаецца будаўніцтва другой паловы гэтай лініі. Ідуць праектныя падрыхтоўчыя працы для запуску механізаванага горнапраходчага комплексу. Вядзецца перанос інжынерных сетак.