Наступны тыдзень абяцае быць гарачым — да 30 градусаў і нават больш
На наступным тыдні пачне паступаць паветра з Паўночнай Афрыкі.
Тэмпературы перавысяць норму на 4-6 градусаў ці нават, паводле іншых даных, на 8-10 градусаў, піша тэлеграм-канал «Надвор'е».
Трэба чакаць павышэння тэмпературы паветра да значэнняў +29..+31°. А па паўднёвым захадзе Беларусі магчыма і да +33°.
У Еўропе наступны тыдзень будзе яшчэ гарачэйшым — меркавана, да +35° ці нават вышэй.
Гарачыня можа пратрымацца да 22 жніўня.