Брат Вітольда Ашурка: У Бярозаўцы з мінулага тыдня затрыманыя 9 чалавек
Брат загінулага Вітольда Ашурка са спасылкай на свае крыніцы распавёў «Позірку», што з нядзелі, 13 жніўня, затрымана 6 чалавек. На мінулым тыдні таксама былі затрыманыя 3 супрацоўнікі шклозавода «Нёман», які знаходзіцца ў горадзе.
Пікет Вітольда Ашурка ў Бярозаўцы. Фота: pozirkonline / Telegram
«На завод ідэолагам прызначылі кадэбэшніка, не мясцовага, ён перабірае справы працоўных», — кажа актывіст.
Андрэй Ашурак лічыць, што гэта робіцца для застрашвання людзей, «каб людзі не толькі не супраціўляліся, а нават не падумалі пра супраціў».
Ашурак гаворыць, што не ўсе імёны затрыманых вядомыя.
Андрэй Ашурак — брат мясцовага актывіста Вітольда Ашурка, які ў студзені 2021 года быў асуджаны на пяць гадоў пазбаўлення волі, а ў маі таго ж года памёр пры нявысветленых абставінах у шклоўскай калоніі. Андрэй цяпер за мяжою.
Чытайце таксама:
У Наваградку адбыліся затрыманні завадчан — праваабаронцы
68-гадовую жанчыну асудзілі да шасці гадоў калоніі за палітычныя каментары