У Рэчыцы школьнікі пабіліся з-за лусты хлеба
14-гадовы падлетак пабачыў у школьнай сталовай, што каля яго талеркі няма хлеба, а ў аднагодка побач цэлыя дзве скібкі.
Ён папрасіў аддаць яму адну лусту, на што школьны таварыш адказаў матам. Тады хлопчык пацягнуўся і сам узяў хлеб, але аднакласнік паспеў яго адабраць, разламаць і пакрышыць у шклянку з кампотам.
Пачалася бойка, адзін з хлопчыкаў (у якога быў хлеб) выліў кампот у твар апаненту, а той з усяго размаху ўдарыў яго ў твар.
Маці збітага звярнулася ў міліцыю.
Набліжаны да міліцыі тэлеграм-канал паведамляе, што ўсё скончылася крымінальнай справай за прычыненне менш цяжкіх цялесных пашкоджанняў.
Чытайце таксама:
Юнак у Мінску збіў падлеткаў і памачыўся на іх — і ўсё гэта здымаў на відэа
У Мазыры жанчына страляла спачатку па бутэльках, а пасля па падлетках