На аўторак абвясцілі аранжавы ўзровень небяспекі з-за спёкі
Днём 29 жніўня па паўднёвай палове краіны максімальная тэмпература паветра дасягне +30..+34°С, месцамі ў Брэсцкай вобласці чакаецца +35°С.
Месцамі па краіне чакаюцца кароткачасовыя дажджы і навальніцы.
Вецер паўночна-ўсходні, усходні, ноччу слабы, днём умераны, месцамі парывісты.
Ноччу +12..+18°С, на поўдні Беларусі да +20°С; максімальная тэмпература днём будзе ад +23°С на поўначы да +34°С на поўдні краіны, месцамі ў Брэсцкай вобласці паветра прагрэецца да +35°С.
У Мінску да +31°С, чакаецца кароткачасовы дождж, навальніца.