Заўтра на кінафестывалі ў Венецыі пакажуць «Зялёную мяжу» — фільм пра мігранцкі крызіс
5 верасня на фестывалі ў Венецыі пакажуць фільм польскай рэжысёркі Агнешкі Холанд «Зялёная мяжа» (Zielona granica) пра мігранцкі крызіс на беларуска-польскай мяжы.
Скрыншот з відэа
У стужцы распавядаецца гісторыя сірыйскай сям'і, якая намагаецца перайсці мяжу Беларусі і Польшчы на шляху да Швецыі, а таксама актывісткі Юліі і памежніка Яна.
У фільме ўзялі ўдзел беларускія акцёры, удзельнікі музычнай групы «Разбітае сэрца пацана» Павел Гарадніцкі і Дзяніс Тарасенка (апошняга можна ўбачыць у кароткім кліпе па спасылцы). Карціна будзе паказаная ў межах асноўнага конкурсу.
Чытайце таксама:
Свята-Елісавецінскі манастыр арганізоўвае кінапрэм'еру расійскай агіткі
Беларускі фільм «Радзіма» вылучаны на прэмію Еўрапейскай кінаакадэміі