Брытанскія самалёты абараняюць караблі з украінскім збожжам ад нападу з боку Расіі — медыя
Самалёты брытанскіх Каралеўскіх ВПС у апошнія тыдні — пасля расійскіх нападаў — абараняюць грузавыя судны, якія перавозяць збожжа з Украіны. Пра гэта паведамляе брытанскае выданне The Telegraph, піша «Еўрапейская праўда».
Здымак ілюстрацыйны. Фота: Getty Image
Міністэрства абароны Вялікабрытаніі актывізавала сваю дзейнасць пасля таго, як Расія пачала атакаваць збожжавую інфраструктуру ў ліпені пасля скасавання «збожжавага пагаднення».
«Мы будзем выкарыстоўваць нашу разведку, назіранне і рэкагнасцыроўку для назірання за дзейнасцю Расіі ў Чорным моры… У рамках гэтых аперацый назірання самалёты ВПС Вялікабрытаніі здзяйсняюць палёты над гэтым раёнам, каб стрымаць Расію ад нанясення незаконных удараў па грамадзянскіх суднах», — цытуе выданне інфармацыю з Даўнінг-стрыт.
Пра гэта стала вядома пасля таго, як урад Вялікабрытаніі абвясціў аб правядзенні ў лістападзе міжнароднага саміту па харчовай бяспецы, закліканага высветліць «прычыны адсутнасці харчовай бяспекі і недаядання».
Чытайце таксама:
Эрдаган не пераканаў Пуціна вярнуцца да «збожжавай здзелкі»
Зяленскі адказаў, ці павінна вайна перакінуцца на тэрыторыю Расіі
Украіна і Расія вядуць баі за «вышкі Бойкі» ў Чорным моры — брытанская разведка