Дзяржбяспека Літвы назвала відэа з «сапраўднымі патрыётамі Беларусі» інфармацыйнай спецаперацыяй варожых краін
Дэпартамент дзяржбяспекі Літвы у каментары Delfi заявіў, што першасная інфармацыя дазваляе зрабіць здагадку, што ролік – інфармацыйная аперацыя, аўтарамі якой з'яўляюцца спецслужбы або службы бяспекі варожых краін.
Цяпер, паводле выдання, Дэпартамент дзяржбяспекі Літвы сумесна з іншымі органамі праводзіць расследаванне ў сувязі з публікацыяй відэа.
На мінулым тыдні «Наша Ніва» звярнула ўвагу на ролік у сацсетках. На відэа трое мужчын у шэрым мілітары з аўтаматамі, якія гавораць на літоўскай мове з вялікім беларускім акцэнтам. Яны называюць сябе «сапраўднымі беларускімі патрыётамі, якія ўжо тры гады знаходзяцца ў выгнанні». Пад відэа — субцітры на беларускай мове.
У відэа ўтрымліваецца шэраг хлуслівых сцвярджэнняў і абразлівыя заявы ў адрас Літвы.
На думку «Нашай Нівы», мэта гэтай правакацыі, як і ранейшых аналагічных, стварыць у літоўцаў недавер да беларусаў і беларускай эміграцыі ў Літве ў прыватнасці.
Чытайце таксама:
У сацсетках з'явілася новае відэа, якое мае на мэце пасварыць літоўцаў і беларусаў