У Любчы пачаўся летнік па добраўпарадкаваньні мясцовага замку
З 15 па 27 жніўня ў мястэчку Любча Наваградскага раёна будзе праходзіць летнік, прысвечаны адбудове Любчанскага замка.
З 15 па 27 жніўня ў мястэчку Любча Наваградскага раёна праходзіць летнік, прысвечаны адбудове Любчанскага замка. Арганізатарамі з’яўляюцца моладзевая грамадская арганізацыя «Гісторыка» і Фонд «Любчанскі замак».
Як паведаміў Зміцер Рагачоў, кіраўнік МГА «Гісторыка», летнік у Любчы праводзіцца ўжо чацвёрты год. У гэтым годзе запланавана распачаць будаўніцтва сцяны паміж двумя вежамі, аднавіць уваход у вуглавую вежу і прывесці ў парадак ваколіцы замка. Акрамя таго, як і ў мінулым годзе, у парку замка будуць высаджаны дрэвы, каб вярнуць яму былую прыгажосць.