Мазырскім даішнікам давялося страляць, каб спыніць нецвярозага кіроўцу
Некаторы час BMW уцякала з прабітымі коламі.
Супрацоўнікі ДАІ ў Мазыры звярнулі ўвагу на «БМВ», кіроўца якога, пабачыўшы міліцэйскае аўто, рэзка звярнуў у двор і паспрабаваў схавацца. Інспектары пачалі пераслед і запатрабавалі спыніцца.
У выніку пачалася пагоня. Пасля неаднаразовых патрабаванняў аб спыненні і сігналаў міліцыянеры пачалі страляць па колах.
У выніку нават з двума прабітымі коламі машына працягвала рух. Яе ўдалося спыніць толькі за межамі горада.
За рулём аказаўся 20-гадовы жыхар Ельскага раёна. Экспертыза паказала наяўнасць 1,7 праміле алкаголю ў выдыханым паветры. У выніку на хлопца склалі 8 адміністрацыйных пратаколаў.