Збілі рыдлёўкай і абрабавалі
Дзве жыхаркі Жыткавіцкага раёна збілі рыдлёўкай і абрабавалі аднавяскоўку.
Як паведамілі ў прэс‑службе УУС Гомельскага аблвыканкама, 20 снежня па факце разбойнага нападу распачата крымінальная справа.
Міліцыяй устаноўлена, што 17‑гадовая і 20‑гадовая жыхаркі вёскі Запясочча збілі рыдлёўкай 55‑гадовую аднавяскоўку і забралі ў яе 550 тысяч рублёў.
Абедзве дзяўчыны былі ў стане алкагольнага ап’янення.
У Нароўлі 19 снежня 15‑гадовы падлетак напаў на 73‑гадовую жанчыну, і, паводле паведамлення міліцыі, «з прымяненнем насілля, небяспечнага для жыцця» выхапіў у яе з рук сумку.
Здабычай злачынцы сталі прадукты і пара шарсцяных шкарпэтак.
Хлапец затрыманы, скрадзенае забрана.