У Смалявіцкім раёне мужчына пакалечыўся, гатуючы цеста для локшыны
У Смалявіцкім раёне супрацоўнікаў МНС выклікалі для аказання дапамогі мужчыну, які пацярпеў пры раскатванні цеста для локшыны. Падрабязнасці паведаміў тэлеграм-канал ведамства.
Скрыншот з відэа
Каля 10:20 20 лістапада ў МНС патэлефанавалі з вёскі Пліса Смалявіцкага раёна. Мясцовы жыхар раскатваў цеста на спецыяльнай раскатачнай машынцы для гатавання локшыны, але адцягнуў на штосьці сваю ўвагу і ягоную руку заціснула ў механізме.
Каб выратаваць правую руку мужчыны, медыкі спачатку абязболілі канцавіну і наклалі жгут. А пасля ратавальнікі, выкарыстоўваючы электралобзік, адрэзалі вал абсталявання і вызвалілі руку пацярпелага. Вясковец шпіталізаваны.
Чытайце таксама:
АМАП страляў у 19-гадовага жыхара Крупскага раёна
У Мінску п'яная маці з дзіцем у салоне ўрэзалася ў міліцэйскае аўто