У Слонімскім раёне аўтобус з дзецьмі з'ехаў у кювет. У салоне было 47 чалавек
Інцыдэнт адбыўся раніцай 3 снежня.
Па нумары экстранай дапамогі патэлефанаваў кіроўца пасажырскага аўтобуса, які папрасіў аб дапамозе. Аказалася, што ён вёз 47 чалавек, з іх — 44 непаўналетніх, на экскурсію. Ад'ехаўшы недалёка ад райцэнтра, на дарозе Р99 аўтобус з'ехаў у кювет, піша БелТА.
Супрацоўнікі МНС, якія прыбылі на месца, адбуксіравалі аўтобус назад на дарогу. Транспартны сродак не быў пашкоджаны.
Дзеці і дарослыя, якія знаходзіліся ў салоне аўтобуса, не былі траўмаваныя.