У сеціве з’явілася віртуальная мапа Гродна
Дзякуючы ёй можна не толькі пабачыць цікавыя будынкі, але і даведацца іх гісторыю.
Ад 31-га снежня на сайце harodnia.com кожны можа азнаёміцца з віртуальнай мапай Гродна. На звыклай ужо электроннай мапе горада можна адшукаць вуліцы і будынкі, а клікнуўшы на іх – даведацца падрабязную гісторыю і пабачыць фота.
Аўтары праекту адзначаюць, што пакуль ён недасканалы і з’яўляецца толькі пачаткам вялікай працы, далучыцца да якой можа кожны жадаючы.