Страляніна ў метро Нью-Ёрка: адзін чалавек загінуў і 5 атрымалі раненні
Гэта адбылося ў пачатку вячэрняй гадзіны пік у панядзелак.
Скрыншот відэа New York Post
Адзін чалавек загінуў і яшчэ пяцёра атрымалі раненні ў выніку страляніны на станцыі нью-ёркскага метро ў панядзелак, піша New York Post.
Інцыдэнт адбыўся на надземнай чыгуначнай платформе ў Бронксе каля 16:30 па мясцовым часе, у той час, калі станцыі па ўсім горадзе запоўненыя дзецьмі, якія вяртаюцца са школы, а «многія работнікі» пачынаюць вячэрні выезд з працы.
Паліцыя пацвердзіла, што ў выніку страляніны загінуў 35-гадовы мужчына.
Прадстаўнік выратавальнай службы назваў сур'ёзнымі раненні іншых пацярпелых.