У Кіеве жанчына выкінулася з акна і забіла дзяўчыну, што праходзіла міма
Пра трагедыю пішуць украінскія медыя.
Месца трагедыі. Фота: тэлеграм-канал «Рэальны Кіеў»
У Кіеве 30 красавіка пад вокнамі дома знайшлі целы 39-гадовай і 28-гадовай жанчын.
Спачатку меркавалі, што яны ўдзвюх зрабілі суіцыд. Але лёс аказаўся больш непрадказальны.
Следчыя выявілі, што 39-гадовая кіяўлянка выскачыла з балкона 14 паверха і ўпала на іншую жанчыну, чым смяротна яе траўмавала, піша «Страна» са спасылкай на крыніцу ў сілавых органах.