Беспілотнікі атакавалі грузавы цягнік з дызельным палівам і драўнінай у Валгаградскай вобласці Расіі
Гэта першая атака на цягнік так далёка за лініяй фронту.
Вагоны грузавога цягніка сышлі з рэек на станцыі Катлубань. Рух адноўлены па адным шляху. Затрымліваюцца два цягнікі.
Інцыдэнт адбыўся 14 мая ў 1:15 на станцыі Катлубань. Ніхто не пацярпеў. Аднак прыпынены рух цягнікоў блізу станцыі, чакаецца затрымка пасажырскіх цягнікоў.
«Для ліквідацыі наступстваў сходу на месца накіраваныя аднаўленчыя цягнікі са станцый імя Максіма Горкага і Арчэда. На Прыволжскай чыгунцы працуе аператыўны штаб», — гаворыцца ў паведамленні МНС.