Беларускага байца ММА збівалі ў Сочы цэлым натоўпам
На беларускага байца ММА Фёдара Каўтуна напалі некалькі чалавек пасля турніру «Наша справа 83» у Сочы, які адбыўся 25 траўня, паведамляе выданне Sochi-bloknot.ru.
Скрыншот з відэа
Асноўным апанентам Фёдара Каўтуна стаў іншы баец, Гаджымурад Хірамагамедаў з Дагестана. Бойка паміж спартоўцамі адбылася ў Краснай Паляне пад Сочы ў зале, дзе ў той момант праходзіла прэс-канферэнцыя. Па словах беларуса, на яго накінуліся ажно чатыры чалавекі.
«Ён падышоў да мяне, я ўстаю, ён мяне бярэ падсякае. Я яму кажу, што ты мяне чапаеш. Ён мне кажа — пойдзем выйдзем. Я пачынаю выходзіць і мяне пачынаюць гасіць», — пракаментаваў інцыдэнт Каўтун.
У выніку спыніць бойку змаглі толькі ахоўнікі залы. Наколькі моцна хто пацярпеў — не паведамляецца.
Чытайце таксама:
Сілавікі зладзілі аблаву на канцэрце «Карозіі металу» ў Ніжнім Ноўгарадзе