Ля Гродна здзейсніў самагубства 22-гадовы памежнік. Ён знаходзіўся ў нарадзе
8 чэрвеня на ўчастку памежнай заставы «Усава» Гродзенскай памежнай групы знайшлі цела вайскоўца з прыкметамі суіцыду.
Фота: newgrodno.by
Малады чалавек 2002 года нараджэння быў прызваны ў кастрычніку мінулага года. Па службе характарызаваўся станоўча, паведамляе Гродзенская памежная служба.
На момант трагедыі малодшы сяржант знаходзіўся ў памежным нарадзе па ахове дзяржаўнай мяжы.
На месцы здарэння працуе следча-аператыўная група.
Кіраўніцтва Дзяржпагранкамітэта і камандаванне Гродзенскай пагранічнай групы выказала спачуванні родным і блізкім вайскоўца.