У Мінску адкрыўся абноўлены парк імя Уга Чавеса
У Каменнай Горцы запрацаваў абноўлены парк імя Уга Чавеса. У яго адкрыцці, апроч сталічных уладаў, узяў удзел пасол Венесуэлы Франклін Рамірэс Араке.
Пасол Венесуэлы разрэзаў урачыстую чырвоную стужку.
Будаўніцтва гэтага аб'екта пачалося яшчэ ў верасні 2023 года. Тут ёсць скейт-парк з пяццю лакацыямі. У тым ліку Pump-трэк, BMX-трэк і іншыя. Парк быў створаны ў супрацоўніцтве з Федэрацыяй скейтбордынгу.
Мінскія чыноўнікі на адкрыцці. Фота: sb.by
Дарэчы, парк гэта не адзіная «венесуэльская» лакацыя ў сталіцы. У цэнтры Мінска ёсць сквер імя Сімона Балівара.