Генпракуратура завяла 20 крымінальных спраў за хабары
Супрацоўнікі МУС у выніку праверкі ў Мінскай вобласці выявілі схемы перадачы хабараў «дзясяткам службовых асоб», паведаміў 8 ліпеня намеснік начальніка ўпраўлення па барацьбе з карупцыяй і арганізаванай злачыннасцю Генеральнай пракуратуры Дзмітрый Брылёў.
Па словах Брылёва, факты хабарніцтва выяўленыя ў будаўніцтве, аграпрамысловым комплексе і лясной гаспадарцы, грошы перадаваліся за «спрыяльнае вырашэнне пытанняў па заключэнні дамоў на рамонт вузлоў і агрэгатаў тэхнікі».
У некаторых выпадках, удакладніў прадстаўнік Генпракуратуры, «адкат» закладаўся ў агульны кошт рамонту і мог дасягаць да 15% ад сумы замовы — да 1,5 тыс. рублёў.
Брылёў паведаміў пра завядзенне 20 крымінальных спраў па арт. 430 (атрыманне хабару) і 431 (дача хабару) КК. Матэрыялы перададзеныя ў Следчы камітэт.
Чытайце таксама:
Былога намесніка міністра энергетыкі Міхадзюка хутка пачнуць судзіць
Якую маёмасць мае топ-менеджар Белчыгункі Пётр Дулуб, у тайніках якога знайшлі $3 мільёны
Арыштаванага за хабар топ-менеджара Белчыгункі звольнілі па карупцыйным артыкуле
Лукашэнка назваў імёны яшчэ некалькіх высокапастаўленых хабарнікаў