МНС зафіксавала ў Мінску 38 падтапленняў. Пацярпелі будынак, паркінг і два пераходы
Самым складаным раёнам ратавальнікі назвалі раёна парка Чалюскінцаў.
Скрыншот відэа: МНС
МНС дала справаздачу наконт наступстваў магутнай залевы, якая прайшла ў Мінску 18 ліпеня.
Паводле звестак ведамства, у сталіцы зафіксавалі 38 падтапленняў праезных частак, адзін паркінг, адзін будынак і два падземныя пераходы.
'Найбольш складаны ўчастак — раён станцыі метро «Парк Чалюскінцаў». Ратавальнікі адпампоўваюць ваду з дапамогай мотапомпаў.
Станцыю ўжо адкрылі для пасажыраў. А вось на метро «Усход» зачынілі адзін з вестыбюляў — там таксама было падтапленне. Пра тое, ці пацярпелі ад стыхіі людзі, МНС не паведамляе.