Сілавікі затрымалі адміністратара раённага чата «Чат Бурдзейнага»
Відэа з ім апублікаваў блізкі да сілавікоў тэлеграм-канал.
Сілавікі затрымалі дырэктара прадпрыемства «Джыпіэр сэрвіс» і адміністратара чата «Чат Бурдзейнага».
На відэа затрыманы кажа, што адміністраваў дваровы чат, у якім «размяшчалася інфармацыя пратэснага характару», а таксама што ў 2020 годзе ў Мінску хадзіў на маршы.
У «чаце Бурдзейнага» на 22 ліпеня знаходзіцца 112 чалавек. Доступ да чату атрымалі сілавікі — цяпер там публікуюцца рэпосты беларускіх і расейскіх праўладных каналаў.