Механізаваныя падраздзяленні трэніруюцца ва ўмацаваных раёнах
Байцы працуюць у двухбаковым фармаце супрацьстаяння. Адны атакуюць, іншыя — трымаюць абарону. Затым — мяняюцца, паведамляе Мінабароны ў сваім тэлеграм-канале.
Падчас трэніровак беларускія вайскоўцы выкарыстоўваюць тактыку сучаснага бою і задзейнічаюць беспілотнікі.
Умацаваны раён размешчаны на ўзвышшы і пабудаваны па прынцыпе кругавой абароны. Галоўная мэта такіх умацаванняў — скаваць большыя сілы праціўніка.