Паглядзіце, якое сімпатычнае тыграня пасялілася ў Мінску ФОТАФАКТ
У Мінскім заапарку паласатае папаўненне.
Фота: Мінгарвыканкам
У тыгрыцы па імені Яраслава зараз ёсць сябар. І прыбыў ён з цэнтра «Амурскі тыгр». Тыграня з пашкоджанымі лапкамі знайшлі ў лістападзе мінулага года на дарозе ў Хабараўскім краі. Тыгрыцы побач з малым не аказалася.
З-за атрыманых пашкоджанняў тыграняці правялі некалькі аперацый. Ён прайшоў рэабілітацыю, аднак жыць на волі не зможа, бо могуць быць наступствы траўмаў. Таму было прынятае рашэнне адправіць яго ў Мінскі заапарк.
Дарэчы, завуць яго Сіндбад.