Айцішніка, які вярнуўся з Вільні ў Мінск, затрымалі за данаты і ўдзел у плане «Перамога»
Чаславу Герасімовічу можа пагражаць да васьмі гадоў калоніі.
Часлаў Герасімовіч. Фота з ягонай старонкі Укантакце
Чаславу Герасімовічу 37 гадоў. Ён мінчук. Пасля школы скончыў БДПУ па спецыяльнасці «дзіцячы выхавальнік, псіхолаг», дадаткова вучыўся ў Маскоўскім гештальт інстытуце і Акадэміі паслядыпломнай адукацыі на розных накірунках псіхатэрапіі.
Герасімовіч у сацсетках піша, што больш за 15 гадоў праводзіў трэнінгі па псіхатэрапіі і часта называе сябе гештальт-тэрапеўтам. З 2011-м стаў таксама працаваць тэсціроўшчыкам. Захапляецца музыкай і грае на гітары, а таксама піша вершы і малую прозу, запісвае відэа-медытацыі.
Нейкі час у 2022-м Герасімовіч працаваў у Вільні, але пад восень 2022-га вярнуўся ў Мінск. Актыўна шукаў працу ў розных кампаніях і, мяркуючы па Linkedin, працуе шмат дзе на няпоўную стаўку.
26 чэрвеня Часлава асудзілі за «непадпарадкаванне міліцыянту» па адміністратыўнай справе.
Мяркуючы па відэа ГУБАЗіК, Герасімовіча абвінавачваюць у тым, што ён чатыры разы ахвяраваў «экстрэмісцкаму фарміраванню». Імаверна, яго вінавацяць па артыкуле 361-2 КК. Тады яму можа пагражаць да васьмі гадоў калоніі.
Таксама яму закідаюць удзел у плане «Перамога», але гэта нічым не пацвярджаецца.
Чытайце таксама:
Што новага правяраюць у тэлефонах на мяжы пры вяртанні ў Беларусь
67-гадовая беларуска вярнулася са Швецыі. Цяпер ёй пагражае да дзесяці гадоў турмы
Тлумачым, якім чынам сілавікі знаходзяць карыстальнікаў Telegram і як гэтага пазбегнуць