Дачнікі пад Гомелем пратэстуюць супраць арэнды возера. Не абышлося без міліцыі
Уладальнікі дачных участкаў у раёне вёскі Цыкуны Гомельскага раёна паказалі, як спрабуюць абараніць возера ад здачы ў арэнду.
Каля возера Цыкуны сабраліся жыхары, каб выступіць супраць здачы яго ў арэнду. Скрыны відэа ў тыктоку
Відэа было знятае яшчэ 23 жніўня, цяпер дачнікі вырашылі паказаць відэа грамадскасці, заўважыў «Флагшток».
Падчас сустрэчы з прадстаўнікамі мясцовых уладаў, ведамстваў і арандатарамі вадаёма дзясяткі дачнікаў выстраіліся ўздоўж берага возера і скандавалі: «Не арэндзе!». За іх дзеяннямі назірала міліцыя, аднак у той дзень абышлося без затрыманняў.
Каб супрацьстаяць абмежаванням, якія ўзнікаюць пасля арэнды вадаёма, дачнікі сабралі ўжо каля 600 подпісаў.