Ізраіль правёў кібератаку на членаў «Хезбалы». Пэйджары 1200 баевікоў адначасова ўзарваліся проста ў кішэнях ВІДЭА
дапоўнена
Тысячы членаў арганізацыі «Хезбала» параненыя ў выніку падрыву прылад сувязі, якія выкарыстоўваліся групоўкай.
Журналісты паведамляюць, што Ізраілю ўдалося ўзламаць партатыўныя пэйджары (гэтыя прылады выкарыстоўваюць для схаванай камунікацыі) і падарваць іх.
Ізраіль пакуль інцыдэнт афіцыйна не каментаваў.
Крыніцы ў службах бяспекі паведамілі агенцтву Reuters, што ў выніку інцыдэнту тысячы членаў «Хезбалы» атрымалі сур'ёзныя раненні.
Іранскія СМІ паведамляюць, што такі пэйджар быў і ў пасла Ірана ў Ліване, ён таксама ўзарваўся, амбасадар паранены.
Журналіст агенцтва бачыў, як 10 баевікоў «Хезбалы» сцякалі крывёй ад ран проста на вуліцы пасля выбухаў прылад у іх руках або кішэнях.
Паведамляецца, што звесткі пра раненні прыходзяць і з іншых рэгіёнаў Лівана.
UPD. Больш 2800 параненых з-за выбухаў пэйджараў дастаўлены ў бальніцы Лівана, больш за 8 чалавек загінулі, паведамляюць ліванскія СМІ.
Бальніцы Бейрута, Набатыі, Сайды і Ціра перапоўненыя пацярпелымі ў выніку выбухаў прылад сувязі, якія здэтанавалі ў выніку маштабнай ізраільскай дыверсіі, паведаміў выканаўца абавязкаў міністра аховы здароўя Лівана Фірас Аб'яд.
Чытайце таксама:
Ізраіль пачаў наносіць удары па тэрыторыі Лівана. «Хезбала» запусціла па Ізраілю сотні ракет
«Ён быў як прывід». Як Ізраіль змог забіць аднаго з камандзіраў «Хезбалы»
«Хезбала» паведаміла пра гатоўнасць пачаць вайну супраць Ізраіля пасля забойства Ісмаіла Ханіі