Мужчына з пісталетам уварваўся на запраўку пад Дзяржынскам
6 кастрычніка каля дзесяці раніцы паблізу вёскі Вязань Дзяржынскага раёна ў краму пры АЗС зайшоў нецвярозы мужчына. Ён накіраваў у бок пакупнікоў прадмет, падобны да пісталета, і пачаў выкрыкваць пагрозы расправы.
Скрын відэа МУС
Работнікі станцыі націснулі кнопку трывожнай сігналізацыі. Праз пару хвілін туды прыбыў нарад мясцовага аддзела аховы. Мужчына з пісталетам спрабаваў уцячы, але яго затрымалі, паведамляе МУС.
Нападнікам аказаўся 47-гадовы жыхар Фаніпаля. У выдыханым ім паветры выявілі звыш трох праміле алкаголю. Пісталет аказаўся траўматычным.