У Мядзельскім раёне двое мужчын загінулі, выпіўшы антыфрыз
Падрабязнасці расказалі ў Следчым камітэце.
Скрыншот відэа СК
Мужчыны за дзень да трагедыі падзараблялі на прысядзібным участку, які належыць дачніку з Мінска.
У гаражы яны знайшлі каністру з вадкасцю ружовага колеру і надпісам «антыфрыз», якую выпілі замест алкаголю.
Раніцай наступнага дня сужыцелька аднаго з мясцовых жыхароў выявіла іх без прытомнасці, яны памерлі.
На месцы здарэння працавала следча-аператыўная група.