Сілавікі затрымалі геймера, які ў анлайн-гульні пабудаваў дом у выглядзе свастыкі
Яго нібыта знайшлі па IP і выставілі не толькі гэта.
Ілюстрацыйны скрыншот
Відэа з затрыманым апублікаваў канал сілавікоў. Сцвярджаецца, што геймер пабудаваў дом у выглядзе свастыкі ў анлайн-сімулятары выжывання Rust.
У роліку затрыманы гаворыць, што нібыта з'яўляўся прыхільнікам нацысцкай ідэалогіі і распаўсюджваў свастыку.
Акрамя таго, яго абвінавацілі ў распаўсюджванні парнаграфіі.
Сілавікі сцвярджаюць, што геймер атрымаў 15 сутак арышту.